無綫電視年度壓軸盛事《萬千星輝頒獎典禮2023》今日（14日）在澳門上葡京綜合度假村隆重舉行，林保怡及羅嘉良亦有份出席擔任頒獎嘉賓，分別頒發「大灣區最喜愛TVB男主角」給得獎者黃宗澤，以及頒發「大灣區最喜愛TVB女主角」予得獎者佘詩曼。
林保怡及羅嘉良接受訪問大談重返娘家出席頒獎典禮的感受，說：「幾好呀！」羅嘉良則表示：「好開心，喺台上面見到好多好多人。」林保怡繼續指有透過頒獎的廣告時間，一直偷望底台下的觀眾席，看看有沒有熟悉的面孔。他坦言百感交集：「諗返起以前幾辛苦。」
被問到二人想重返娘家TVB拍戲的意願，林保怡說：「最緊要個角色啱，有戲去做。」羅嘉良則表示：「我就啱啱同佘詩曼拍完《家族榮耀之繼承者》，我哋拍得好開心。」講到最近有消息指林保怡即將會拍攝《刑偵12》，他表示：「嚟緊我估個成數都係未知之數，我覺得都係要睇咗劇本先，如果個角色係啱我就會，其實呢樣嘢就好好嘅，佢上年都搵我，我啱啱收到初稿嘅劇本，我諗要花啲時間睇，因為係一個燒腦嘅劇。」羅嘉良則在一邊偷笑回應：「你知嘅，未講得啫！」
