無綫娛樂主播王鎮泉主持節目《電影泉攻略》收視不錯，難怪長做長有！近日他便負責訪問《金手指》男主角梁朝偉，原來年前偉仔為主演電影《尚氣與十環幫傳奇》宣傳，接受過泉泉訪問後，二人便開始「另類合照」，而偉仔對泉泉的態度，可謂羨煞旁人：「我會同嘉賓影合照留念，當日偉仔好友善咁主動伸手過嚟掂住我，等大家企埋啲合照，被影帝一掂我梗係開心到飛起啦，事後周圍同人講，點知張相展示唔到呢個動作，大家以為我講大話，好彩今次偉仔又係咁，而我哋身後有塊鏡反射到出嚟，我終於成功為自己平反喇，哈哈﹗」
偉仔今次受訪，泉泉準備了連串有關他曾經主演過的電影問題，實行考考偉仔，想不到偉仔認真回答之餘，更大部份答對，可見記憶力驚人﹗當被問到與周星馳的友誼時，偉仔坦言近期少了聯絡，不過卻對於與對方合作拍電影，則顯得躍躍欲試，但又「投訴」表示：「只係咁多年嚟我都冇收過佢嘅劇本同故仔，如果收到嘅話，真係會認真考慮㗎。」
無綫娛樂主播王鎮泉主持節目《電影泉攻略》…
