藝人張致恒（Steven）與老婆雯雯一日嗌離婚嗌到黑，又經經常呻生活拮据，不時公開向網民求助，助養他們一家。Steven日前被KOL Sean大爆他放棄了性商品店的工作，並公開疑似他與債主的對話錄音。
不少網民都留言鬧爆兩公婆互相矛盾，一個就公開埋怨老公瞓覺唔湊仔，一個就話自己唔返工因為要湊仔，更有網民認為Steven和雯雯選擇不決心外出打工，寧願賣慘呻窮，直接攤大手板等網民接濟更輕鬆。
不過雯雯似乎未受此事影響心情，今日（4日）仍於個人短片頻道上載一段為大仔天寶慶祝4歲生日的影片，片中兩公婆帶囝囝去室內兒童遊樂場放電，又一家齊齊溫馨切蛋糕，未知是否怕被網民狙擊，索性關掉影片留言功能，不過最離奇是天寶是於4月生日，足足提早了3個月慶祝。
然而，Steven之後在社交網澄清欠薪問題，他寫道：「從來都冇欠薪，只係我同我嘅朋友溝通上有問題，所以誤會咗我冇糧出，因為上個月我同啲仔一齊病咗成個月，所以淨係返咗七日工，七日工有幾千蚊，但係因為本身老細預知（支）咗錢畀我，所以每個月我都要出糧扣錢，所以今個月冇糧出。就係咁簡單。」
藝人張致恒（Steven）與老婆雯雯一…
