台灣歌手楊丞琳喺河南鄭州舉行巡唱時，因「河南人愛騙人」言論掀起風波，即使之後即刻喺社交網跪低道歉，網友依然唔賣帳，甚至仲有唔少人揚言要抵制佢，事發至今楊丞琳亦於日前罕有吐心聲。
楊丞琳發生失言風波後，雖然社交網一直處於神隱狀態，不過早前喺北京演唱會上，粉絲對佢仍然熱度未減，現場歡呼聲不斷，而演唱會結束後，楊丞琳則係直至前日（29日）先更新社交網，並感謝北京演唱會上嘅粉絲道：「這個冬天，因為有你們而更加溫暖。」另外，楊丞琳亦晒出多張北京場演唱會服裝，開心道：「北京場有四套新皮膚耶！」並搶先同福州站嘅粉絲預告會見面。
唔少粉絲見到偶像更新社交網，紛紛都開心道：「要繼續唱，我們永遠支持你！」、「加油，好好說話就好！」、「不要受影響，你是最棒的！」不過仍有唔少網友唔賣帳，直言：「公眾人物犯錯就忘？還繼續開演唱會，有夠傻眼！」
台灣歌手楊丞琳喺河南鄭州舉行巡唱時…
