台灣男星王陽明早前被傳同太太蔡詩芸…

台灣男星王陽明早前被傳同太太蔡詩芸（Dizzy）婚變兼分居，然而隨着上月王陽明迎來生日，夫妻2人亦終於再次同框放閃，以行動粉碎婚變傳聞外，日前（27日）迎來8結婚周年嘅佢哋，亦喺社交網晒出一張唯美婚紗照之餘，老婆Dizzy更喺社交網高調放閃：「我愛你！」
王陽明同老婆Dizzy2015年結婚，婚後育有1女嘅2人亦不時喺社交網放閃，如今邁入結婚8周年嘅佢哋，老婆Dizzy更喺社交網晒出一輯甜蜜合照，寫道：「我們不完美，但我們擁有彼此。愛可以戰勝一切，我愛你。」相中嘅Dizzy同王陽明更含情脈脈深情對視，認真閃到爆。