影帝劉青雲向來貼地，昔日佢曾於過…

影帝劉青雲向來貼地，昔日佢曾於過年期間到街市買餸，豈料竟以「市民劉先生」身份登上新聞報道，昨日（22日）冬至，佢再被野生捕獲現身荃灣街市，見佢以一身休閒打扮示人，孭住一個黑色環保袋，期間去彎腰揀番薯，又去到菜檔買菜，引來大批途人圍觀。菜檔老闆娘見到劉青雲即表現興奮要求合照，而佢都有求必應，企好位合照，相當親民。不過現場除市民外亦有不少工作人員正舉機拍攝，估計今次現身街市只係拍戲。