阮兒今日（18/12）出席尖沙咀《聖誕節閃耀市集》揭幕禮。阮兒出道至今，曾參演過百部影視作品，不過最受人注目始終是她與衛智豪的一段情，二人拍拖3年已到談婚論嫁的階段，但可惜最終分手收場。還好在一年半前，她遇上新男友Kenneth，對方不止是金融才俊，還是一位細心體貼的好男人。
阮兒接受《香港01》訪問時表示：「其實佢係細我4年，但佢為人好成熟，可能佢同我一樣，大家都係外國長大過，大家思維都好相近，佢明知我從事演藝工作，唔會話唔畀我做乜，自由度係好大。因為佢明白到每個人都有自己嘅人生，有自己想要做嘅事，所以佢係絕對支持我去做自己想做嘅事。相比以前啲前度，佢哋係會連我着咩衫出街都要管，着得性感少少都會俾佢哋鬧，試過問我着成咁仲乜，係咪當佢死。好多時就會為呢啲事大家嘈交，所以話勉強係冇幸福，分手係最後嘅選擇。」
