台灣女星徐若瑄日前宣布同新加坡富商離婚，正式結束9年婚姻，而日前據台媒報道，徐若瑄喺去年以2億新台幣（約4千9百萬港元）買豪宅，似乎係為離婚做準備。
據悉，徐若瑄去年開始為搬返台灣做準備，並有意同全家人一齊住嘅佢，更一度傳出以2億新台幣（約4千9百萬港元）買下逾3千呎嘅豪宅，而據資料顯示該豪宅區售價最少都要超過1億5千萬新台幣（約3千7百萬港元）。
事實上，徐若瑄3姐弟自幼由媽咪一手湊大，多年嚟亦係由徐若瑄肩負家計，過去受訪時徐若瑄亦透露道自己喺屋企嘅地位就好似「爸爸」，喺世界各地周圍飛，負責賺錢養家，而大家姐則負責處理行政、財務及照顧媽咪，而弟弟則被佢送咗去日本讀大學，返台灣後亦投資經營餐飲事業。
