藝人胡諾言（胡仔）與陳琪乃圈中模範夫妻，二人經常有影皆雙，已轉戰KOL界的陳琪，更不時於社交網分享生活日常，其三名子女更曝光率極高，並已儲落一班擁躉。由於胡仔與陳琪形象夠晒入屋，近日更獲邀成為明年本地漁農美食嘉年華大使，日前夫婦二人更孖住拍攝
電視宣傳短片，面對當日於猛烈太陽下開工，為免陳琪肌膚曬黑，身為老公的胡仔即為太太撐傘擋太陽，表現細心一面，他受訪時表示：「我好似都變成小助手，叮囑導演要將太太拍到最靚嘅師奶。（夫妻檔酬勞貴啲？）今次活動好難得同好有意義，所以大家只講心唔講金嘅，機會難得。」至拍攝尾聲時，胡仔眼見枱上面有很多新鮮食材，既有海鮮又有蔬菜，故也忍不住表示想「打包」返家大顯身手下廚，既環保又慳錢，認真搞笑。
