鄧智堅有份出演《新聞女王》，有網友重提當時他在TVB超級綜藝記者會上扮演姜濤一事，當時他疑似惡搞姜濤以及其他藝人的一句「打到你變薑蓉」惹來大批姜糖洗版鬧爆。其實鄧智堅一向扮鬼扮馬，扮演惡搞角色多籮籮，更一人擁有7大身份：導演、編劇、配音員、演員、專欄作家、戲劇導師、劇團創辦人，斜槓身份亦多籮籮！
自開播以來佔戲頗重的飛爺，最大記憶點除了夠晒輸打贏要、就是從不離手的珍珠奶茶，智堅笑言老是常出現的珍奶，是為了凸顯新聞工作者遇到的壓力：「劇本本身已經有（珍奶嘅出場），不過某啲場口我同監製導演溝通咗後決定加碼，因為做突發新聞壓力好大、好多決策要做，所以飛爺需要糖分。」並揭出飛爺「圓形眼鏡」背後玄機：「突顯佢唔會正面交鋒，表面圓滑但其實笑裡藏刀。」談到角色貼地，不少打工仔看罷後大有共鳴，認為人生總會遇到一個「衰上司」，對此智堅笑言： 「我都有問過一啲職場上嘅朋友，唔少都遇過『勝利球迷型』嘅中、高層。我記得拍攝時，自己加咗一句對白，就係當家妍表示『未應承』，我回佢：『係未應承，咁即係未拒絕啦』，帶出老細要面嘅一面。」
劇中飾演SNK News新聞總監「飛爺」鄧志堅就是媚上欺下，背後製造爭端之人！網民笑指「剩係喺度撥火」，其角色造型更有啲似智叔廖啟智《律政強人》的感覺！ 戲內「Man姐」佘詩曼的女王氣場十足，即使是馬國明、或者是鄧智堅都被比下去！有網民認為鄧志堅童顏樣不適合扮老：「似細路仔扮大人」、「點解個總監仲後生過兩個主播？」、「童顏樣成日做廢老角色」、「鄧智堅點配得上個爺字」等。
劇中勾心鬥角場面多，鄧智堅在接受傳媒訪問時自稱角色陰險狡猾，是一個多面人的大反派。對於有網民猜測飛爺是終極Big boss的推測，他透露「飛爺」不會直接與他對打，對付他的方法就是破壞遊戲規則，煽風點火拉攏群眾，同時找「高手」與他對打。似乎在暗示有高手角色會黑化。現實中，他又大讚阿佘超nice，同馬國明合作亦好快有默契。
39歲的鄧智堅原來已經出道17年，但樣子生得童顏，而且在舞台劇專注演藝事業12年。鄧智堅在節目中形象百變，經常扮演搞怪角色，例如扮演《咒怨》中伽椰子的兒子佐伯俊雄、搞笑村姑、宅男「火水哥」、和尚等等，但最為人熟知應該是他曾經在TVB超級綜藝記者會上扮演姜濤，更因此惹來大批姜糖洗版鬧爆！
文章版權為新傳媒集團所擁有，原文請按： 网页链接
