港姐冠軍莊子璇被爆做孤獨精…

港姐冠軍莊子璇被爆做孤獨精，雖然早前有「大騎樓」郭珮文請食飯，但似乎佢亦只係得對方一位朋友，呢日一班港姐相約飯局，再次冇預莊子璇。落選港姐陳怡名於社交網大晒合照，見現場有季軍王敏慈、郭珮文、友誼小姐姜依宁及「莊子璇死敵」陳曉彤等人，就連捲父母騙財風波潛水多時嘅王怡然都有出席，反而身為冠軍嘅莊子璇就不受邀請。期間王怡然心情大靚，同王敏慈攬到實一實，其實佢早前都有現身台慶，全晚坐喺高層旁邊，明顯獲公司重視，難怪表現風騷。