昨日（20日）TVB台慶劇《新聞女王》首集播放，藝人陳曉華在劇中飾演前線記者唐芷瑤，首集獲佘詩曼提拔挖角。而她戲份亦十分重要，雖然在宣傳劇集期間介紹角色唔多，但劇中依然獲佘詩曼器重，想不到第二集就慘成權鬥炮灰！
劇集《新聞女王》宣傳初段，甚少提及陳曉華的角色，就連大合照陳曉華都要靠邊站。陳曉華飾演的唐芷瑤在首兩集甚為搶眼，不但能夠表現出被同事和上司忽視的不忿和無奈，又演活為了重奪地位而不擇手段的狠勁。不過據知陳曉華將會在第二集就被佘詩曼炒魷，成為新聞部第一個棄卒！
雖然陳曉華只演出兩集就被踢出新聞部，但能在短短兩集戲份分別與李施嬅、佘詩曼以及馬國明有對手戲，有觀眾期待陳曉華在往後集數可以回歸作出反擊，不過對於自己的角色發展，陳曉華就大賣關子叫「大家期待一下」，又多謝大家關心： 見到大家嘅回應都好踴躍 有啲又戥我唔抵 有啲又覺得我好傻 多謝大家咁緊張「芷瑤」
被問到今次飾演欠缺職場心計的唐芷瑤，會否跟去年《美麗戰場》「感情白痴」林小美有相似之處，陳曉華就有唔同睇法，仲向記者仔細分析兩個角色的不同之處： 「或者係大家眼中，兩個人都好可憐，但其實兩個角色唔似㗎！唐芷瑤身邊無人幫佢，佢一直好努力自己做嘢，想得到好成績做比上司睇，而《美麗戰場》嘅林小美就係即使遇到咩都好，都有兩個好姐妹幫手，但我覺得其實林小美好幸福，起碼都有兩個姐妹。」
陳曉華又指出芷瑤的角色命運註定吃力不討好，劇情講述她就算拋身誘惑上司馬國明，亦不得要領：「佢用自己覺得啱嘅方法做盡，到最後都係被犧牲，盡曬全力，芷瑤只係想換嚟一個成功嘅機會，就好似當中一個對白『做棋咪做棋囉，至少都有俾人利用嘅機會呀。』 可惜最後都係失敗！ 」
文章版權為新傳媒集團所擁有，原文請按： 网页链接
