現年32歲的鍾培生再捲入桃色風波，一名17直播人妻女網紅日前在各大傳媒的社交平台留言，聲稱要控訴鍾培生兼要求賠償！翻看這位人妻的Instagram，原來她已經狙擊了鍾培生多時，但一直未得到回應。直到今日（31日），鍾培生終於公開回應此女子……
呢位人妻女網紅早喺2020年時已開始控訴鍾培生，當時因為鍾培生邀請咗「賽馬女神」莎拉去其YouTube頻道亮相，繼而傳出緋聞。人妻女網紅當時已經發文大鬧莎拉，又暗指莎拉被包養，工作機會係從唔正經的途徑換取等。當時鍾培生喺IG疑似回應該女網紅。 「呢幾年香港無論係男或女，我認識的或素未謀面的都可以無相、無合照、無我聯絡方式、無對話紀錄講句鍾培生就可以上新聞。回應又變咗條真新聞，完全唔理又變咗身有x，究竟係關注嘅白痴定係我討論價值真係咁高？但我又睇到部份留言話完全唔想見到我，我都分唔到係前者定後者。」
後來爆發袁嘉敏事件後，人妻女網紅IG不斷出post，IG仲有個限時動態專欄係屬於鍾培生，不斷明暗示指自己曾經同鍾培生約會過「有段8年情」，大爆2人之間的感情轇轕，直斥鍾培生為「廢柴」，出現問題時就唔出聲走人，搞到佢鬼剃頭，又話佢被玩弄感情。直到昨日（30日），女網紅嬲爆要收到鍾培生的10億賠償，如果唔係佢就會直播自盡。
鍾培生終於忍唔住回應人妻女網紅，指自己同佢完全唔認識，仲被恐嚇已長達3年，現在已經報警處理。
以豐滿身材出名的港姐袁嘉敏（Candy），曾拍三級片《鴨王》而一脫成名，不過其後淡出幕前。生財有道的她不時坐遊艇出海，月租4萬半山豪宅，生活富貴。日前Candy忽然在社交網炮轟「富三代」鍾培生及其父鍾仁偉是「絕對的人渣」，又怒斥兩人對她有「古怪要求」，引發全城熱議。事件連日發酵，袁嘉敏最近接受傳媒訪問時，再爆鍾培生會找她傾心事，更獲對方每次開價1000蚊傾一次電話，而Candy亦承認有收過錢，但之後她已拒絕再收，認為朋友間不應講錢。Candy又表示不擔心自己的言論會被鍾氏父子告其誹謗，聲稱自己所說的都是真事。另外，有指鍾培生向Candy提供的「經濟支持」，前前後後合共近百萬元，但她卻否認，並指「經濟支持」數目很少，不值得提。
袁嘉敏近年淡出幕前發展KOL事業，頻頻在個人社交網站上分享自己歎世界的悠閒生活，睇見都寫意！不過在4月1日愚人節早上，袁嘉敏突然在限時動態公開鬧爆鍾培生兩父子是「絕對的人渣」，內容仲非常弔詭，引起網民無限聯想！一日後，鍾培生終於回應「人渣」指控，發長文指曾經濟援助袁小姐，但去年中已經沒有再聯絡，劃清界線。
文章版權為新傳媒集團所擁有，原文請按： 网页链接
