台灣舞王羅志祥（小豬）自從3年前被前女友周揚青爆出荒淫史後，演藝事業受到重創，最近終於重返內地演出，下半年仲會喺各地開唱。
日前喺加拿大溫哥華開騷嘅佢，喺社交網晒出一張自己剛起身嘅相，並寫道：「剛剛我真的大尖叫了，我剛起床照鏡子發現我眼睛突然變一單一雙，真的原地嚇到內，好險經過了敷眼現在恢復了，今晚演唱會見囉！」只見一頭金髮嘅佢，以素顏示人，一邊眼皮因浮腫而嚴重下垂，好似畀人打完嚟，搞笑畫面即時引嚟粉絲留言：「事實證明你的雙眼皮不是割的」、「原相機欸，連毛孔都拍出來了」、「盲猜加拿大現在下午」、「我感受到了歲月的滄桑」。
