炎明熹（Gigi）今晚（7日）舉行個人演唱會《炎明熹Gi-FORCE演唱會》 頭場。出道2年首次舉行個人演唱會的炎明熹，事前揚言會帶給粉絲們小驚喜！東方新地今次為大家全程直擊，捕捉Gigi演唱會場外場內每一個精彩時刻！
炎明熹頭場演唱會於晚上8點30分開始，炎明熹以一身配有Led燈的白色立體衫登場，隨即引來全場歌迷歡呼。炎明熹以《真話的清高》為個唱揭開序幕，唱到第二首《焰》時脫下白色外套，露出亮片緊身短裙，透視露出纖腰加長腿，狀態大用。隨後緊接唱出參加《聲夢傳奇》第一次演唱的歌曲《守望麥田》， 讓全場歌迷回憶湧現，將全場氣氛推至最高。
雖然Gigi係TVB《聲夢傳奇》出身，但今次演唱會竟然唱出兩首MIRROR成員的單曲，包括Jer的《Jonathan’s Soliloquy》和姜濤的《Dear My Friend,》。Gigi解釋之所以會選擇演唱姜濤的《Dear My Friend》是為了「送畀曾經嘅自己和愛錫自己嘅朋友」，最後仲唱到喊添。繼《聲夢傳奇2》冠軍任暟晴唱完MIRROR成員Ian的《鯨落》後，連Gigi都跟住一齊唱埋鏡仔嘅歌，認真係香港樂壇一家親！
至於嘉賓方面，Gigi就請到另一位Gigi梁詠琪擔任嘉賓。梁詠琪指很羨慕Gigi 18歲就開人生第一場個人演唱會，大讚Gigi唱功了得：「好犀利，出道兩年幾嘅歌手就開自己個人演唱會。我頭先係後台用耳機聽你唱歌，我想話好好聽，我好享受，我由開場一路聽，我真係覺得係好值得我哋去支持。」梁詠琪隨即亦表示看到現場有很多媽媽爸爸級粉絲而感到驚喜：「我以為會有好多小朋友fans，因為你（Gigi）本身都細個，但現場好多媽媽、爸爸級fans啊！我慢慢知道點解，係因為我哋真係好想生個好似你咁叻嘅女啊！」兩位Gigi在台上合唱《我鐘意》後，梁詠琪再唱出《Today》。
曾笑指自己的舞蹈實力令人「欲言又止」的Gigi，今次為了演唱會特訓，密密練舞務求為粉絲們帶來驚喜。Gigi以黑色短裙加黑絲登場，大曬苦練多時舞技，又唱又跳4首歌的Dance medley，其中包括《刀馬旦》、《別找我麻煩》、《Freakin’ Nightmare》和新歌《Little Magic》。雖然Gigi跳舞時動作依然有點生硬，但睇得出Gigi好用心跳好每一步。
Gigi在演唱會中提及到很喜歡收到粉絲們的親筆信，又指每封信都有用心閱讀並收藏起來：「宜家可能科技發達咗嘅時代，大家都會習慣用手機去發訊息，可能會忽略手寫信。經過呢兩年嘅時間，由出道到宜家，大家都睇住我成長，我啲Fans們都會送一啲信俾我，我全部都有睇過曬。我收收埋埋都大概有五個月餅罐，每個都可以裝大概百幾封信。大家可以盡情咁送俾我，我會一封一封咁睇。」無厘頭嘅Gigi又指會每一封信都好好收藏，有可能因為屋企太多信而流浪街頭。Gigi隨即更在熒幕上大曬印象最深刻的親筆信，非常寵粉！
文章版權為新傳媒集團所擁有，原文請按： 网页链接
