藝人湯洛雯即將與馬國明舉行婚禮…

藝人湯洛雯即將與馬國明舉行婚禮，之後二人會到歐洲影婚紗相，故靚湯都一直keep fit，戒糖又做運動減肥，已成功減了20磅。現階段她都繼續努力，望減多5磅，日前更相約鄺潔楹（Judy）齊齊跳舞，二人分別都將跳舞片放上社交網，片中靚湯起勢又扭又揈，勁度十足。她接受東網訪問時坦言：「我都鍾意跳舞，其實係Judy叫我跳先嘅，佢一直都有學開，咁嗰排傾開偈佢又知我日日都做運動，佢話不如試吓唔同類型嘅運動，試跳過又覺得幾好玩，咪繼續學囉！」