你好我的大夫陳嘉慧｜新劇《你好，我的大夫》今次主要用大量年輕演員，不少網友大讚配搭有新鮮感！最新一集就有吳偉豪與陳嘉慧呢對搞笑冤家，其中一幕正骨治療，既尷尬又搞笑！
最近吳偉豪不但回歸《愛回家》，在8:30檔劇集亦有演出，佢同陳嘉慧（Erica）喺TVB新劇《你好，我的大夫》飾演新一屆進修中醫師路遠志、袁絲絲，最新一集講到，陳嘉慧因為整親尾椎骨所以就去正骨，陳嘉慧本來找路玉麟（大AL飾）醫師求醫。
但他想畀徒弟吳偉豪試試，於是就由吳偉豪幫佢正骨。由於呢個畫面正骨復位法要用食字伸進肛門，畫面勁尷尬又搞笑！不少網友見到呢個「重口味」情節紛紛表示：「wawawa,咁重口味」、「另類醫學」、「重口味」事後，由於治療需脫去褲子，眾人大感尷尬，劇情再解釋原來是關楓馨處理正骨復位，不是吳偉豪負責的，不過陳嘉慧並不知情，更誤會吳偉豪「醫完唱」鬧爆兼潑水。
陳嘉慧受訪時笑指拍攝「探肛」場口時，集尷尬、想笑及他條於一身：「嗰場係好搞笑，係我自己親自演出，雖然有除褲，但牛仔褲入面有再著多條褲。現場要趴喺張床度拍攝，佢哋就影住我後面或者喺我後面做戲，我就成晚都趴咗喺度，仲食零食添，都幾他條，我都有忍唔住笑；當然淨係著住打底褲趴喺度係有啲尷尬，不過觀眾都知最後係關楓馨幫我探，所以多數企我後面嘅都係女仔，咁就少啲尷尬。我覺得成場戲最難係要做出探肛嘅反應，要近鏡吖一聲，因為未試過。」
27歲陳嘉慧曾於TVB《愛上我的衰神》擔當女一，更與胡鴻鈞合作，早在《Think Big天地》主持開始，亦有參與唔同綜藝節目嘅拍攝，如《Ben Sir睇樓團》、《大玩特玩》及《眼睛去旅行》等。近年更參演過多套電視劇，喺劇集《解決師》內飾演學生「陳佩慧」，與一眾美少女郭思及林映蔚等人做唐詩詠學生；喺《降魔的2》其中一幕，陳嘉慧又豁出去瞓垃圾堆，表現專業，新人之中佢都算多機會。
文章版權為新傳媒集團所擁有，原文請按： 网页链接
