剛踏入34歲的藝人劉佩玥（Moon），她在社交網限時動態上載一張火紅玫瑰花相，束花大到不得了，估計應有99朵，代表愛你久久，莫非是她的緋聞男友周志文所送？
Moon寫住：「感恩、感謝」，她又獲好姊妹譚嘉儀為她慶祝，她們搞了個睡衣派對，嘉儀寫道：「每一年生日嘅主題都係咁正，真係未試過玩Pyjamas Party，同埋平時瞓覺都係求其着T恤，好彩喺屋企搵到一套睡衣啫，鍾意呢個主題，因為影相唔小心瞌埋眼都係好正常。」兩人曾在劇集《降魔的》合作，嘉儀說莉莉永遠愛啤啤，仲祝Moon愈來愈靚，當日Moon的白色睡裙充滿仙氣，感覺好pure，而嘉儀則出動其至愛粉色睡衣，同場還有蔡潔和吳沚默，不過沚默就犯規，未有穿睡衣到場。
