43歲的樂基兒（Gaile）早前在社交網站發文，暗示疑似已離婚引起外界關注，她昨日（10日）現身活動時開腔兼承認離婚一事，並坦言現時與前夫仍然保持友好關係。
樂基兒於2012年和黎明離婚後，2017年再婚嫁拍拖兩年、從事有機食品生意的美籍商人Ian Chu（朱智豪），婚後定居美國的樂基兒戒酒戒蒲積極造人，終於2019年誕下囝囝Hunter E. Chu，但早前樂基兒在IG出Po暗示疑似離婚，昨日（10）出席活動時被問到離婚一事，她大方承認！ 樂基兒說到：「分開原因⋯我覺得唔應該話邊個錯或係做過啲咩，有時唔喺埋一齊可能係時間嘅問題。」她續說與前夫還是保持友好關係，兒子將由前夫照顧，「因為始終我哋做咗朋友20年，我哋唔會唔傾計，雖然我哋唔係情侶，但我哋係co-parent 。初初會有唔開心，不過而家已經咁耐時間，慢慢習慣，每日都有啲唔同，唔可以話開心定唔開心，人每日心情都唔同，經過呢幾年Covid ，都感恩自己擁有嘅嘢。」
另外兒子的年紀還小，所以與前夫離婚一事則沒有深入解釋，「會成日提佢你唔係無咗媽咪、唔係無咗爸爸，只不過大家唔係住埋一間屋，總之掛住可以打電話畀對方，都好多謝而家科技發達，如果唔係會好掛住。」 二度離婚的樂基兒，對於未來的愛情則沒有太大想法，但現時指並不會拍拖：「暫時未諗，所以未知⋯⋯順其自然啦。」
文章版權為新傳媒集團所擁有，原文請按： 网页链接
