藝人李佳芯剛從日本公幹返港，晚上為時裝展站台，相當忙碌。談到在日本逗留了9日拍攝節目《十八種住法》，她笑說：「我好似曬黑咗，轉咗國籍咁，返香港前已交棒畀周吉佩接力。（佢話要同妳唱歌喎。）佢好有誠意咁帶咗個結他過嚟，至於有冇唱歌大家就要拭目以待嘞。」她又透露：「成個節目都係講唔同嘅住法，有人會瞓街、住帳幕同草屋，我最難忘住一間凶宅，體驗凶宅試住員嘅生活。（瞓到？）我喺陌生嘅地方，睡眠質素會好差，呢個trip好多晚都瞓得差，昨晚返到嚟就補眠咗7粒鐘，算係9日嚟瞓得最多嘞！」談到稍後工作安排，佳芯坦言尚未接獲劇集進組通知：「距離上一套劇集已經1年嘞。（心急想再拍？）我心急想遇到好角色同劇本，可以有得發揮。」
藝人李佳芯剛從日本公幹返港…
