藝人黃德斌、蘇永康等晚上（30日）出席驚慄電影首映。適逢昨日為中元節（鬼節），德斌表示自己膽子較大，平日看鬼怪電影也不會被嚇到：「不過聽講呢套幾恐怖，有晒心理準備。（有冇心臟病？）陣間入去Check吓，睇完冇事行得返出嚟咪即係冇。」他表示近期正忙為HOY TV旅遊節目宣傳，9月將會為新電影開工，又笑指年紀大體能下降想拍文藝片：「最想唔使郁咁多，哈哈！其實咩戲都想做，遲啲會拍另一部係文藝啲嘅。」他指人到不同階段會有不同想法。
同場的蘇永康笑言很喜愛看鬼片，但因太太很怕看，因此他平日在家會待太太睡着才自己看：「囝囝就怕黑，雖然佢未知鬼係乜，但我會教佢唔好畀網上啲片段搞到妖魔化。」他表示囝囝即將小一開學，近來要早上6時10分起身陪囝囝上學：「佢好叻喺課室時好淡定，雖然有其他小朋友會喊，但佢無喊。」另他透露將於10月到澳門舉行一場個人騷，12月則會飛到新加坡開騷，屆時一家三口在當地過聖誕節。
