台灣女星徐熙媛（大S）2021年同汪小菲離婚後，2022年閃嫁韓國藝人老公具俊曄，2人嘅婚姻更畀外界譽為「童話故事」，認真浪漫又恩愛。而日前，就有韓媒爆料，推測大S一直足不出戶又畀具俊曄24小時照顧，主要原因係懷孕，而內地社交網亦瘋傳多張「46歲的大S在韓國成功誕下龍鳳胎」嘅照片。對此，具俊曄則以「假新聞」回應韓媒，不過對於呢個答案，唔少內地網友都唔Buy。
日前，有韓媒喺社交網推測，認為大S足不出戶嘅原因係有身孕，更表示：「即使是事實，我也認為具俊曄在孩子出生的那一刻之前都不會說。」而喺內地社交網瘋傳嘅大S龍鳳胎相關新聞報道，具俊曄亦回應道：「在中國報道他妻子大S生雙胞胎是假新聞，大部分都是假新聞。」
