藝人張致恒（Steven）的太太區燕雯（雯雯），成日於社交網鬧離婚而被網民封做「離婚界KOL」。但雯雯依家懷有身孕並臨盆在即，Steven早前卻辭去了天水圍小食店嘅工作，全力照顧老婆同3個仔，等雯雯可以安心待產，但卻令人擔心佢嘅經濟狀況。
不過今日（26日）有網友捕獲佢喺銅鑼灣街頭派發傳單，仲分享相片問大家：「有咩想同佢講？」看來Steven為咗搵奶粉錢，真係咩Job都願意做，令網友都好佩服佢，紛紛同佢講加油，嗌佢做個有承擔嘅好男人，仲讚佢肯完全拋低藝人包袱，無懼日曬雨淋喺街頭派傳單，真係唔容易呀！
