陳庭欣（Toby）與古佩玲（Kelly）今日（25日）出席寵物展，對於劇集《寵愛Pet Pet》今晚大結局，Toby十分期待：「因為我同徐榮條感情線係到結局先有啲嘢睇，到時就會知我哋會唔會開花結果。」Kelly則對結局感不捨，而現實中，Kelly亦養有一隻狗：「我係差唔多拍完呢套劇先養，係意大利靈緹，好瘦，同劇中嘅狗狗小泡芙咁圓好唔同，身形差天共地。（會唔會幫愛犬配種？）佢已經閹咗，我以為閹完會乖啲，但原來唔係。我初時養呢個品種嘅狗係想幫佢着衫扮靚，但發現唔嗰回事，而且佢嘅步姿好猥瑣。」
即時被取笑物似主人形。至於Toby透露父親最近收養了一隻貓咪：「佢冇同我講，我初時見到有個黑影走過，以為係老鼠，因為要照顧隻貓，老竇變得好深閨，出街食飯，糖水都未食就話要返屋企，因為要趕住餵貓，佢依家變咗貓奴，不過咁都好，佢退休之後好清閒。」
