台灣藝人林若亞，模特兒出道嘅佢自2016年同賈靜雯前夫孫志浩結婚後，就專注於家庭生活鮮少亮相，就連社交網都甚少露面，婚後生活相當隱蔽。而隨着日前賈靜雯同孫志浩嘅愛女梧桐妹（Angel），喺社交網晒出孫志浩嘅家庭合照，夫妻2人嘅真實互動亦隨之曝光。
原嚟日前（7日）喺林若亞嘅生日，為咗幫愛妻慶祝生日嘅孫志浩，亦約埋愛女梧桐妹及母親，一齊幫老婆搞咗個簡單又暖心嘅生日派對。而從照片可見，雖然孫志浩同賈靜雯已經各自另組家庭數年，不過孫志浩就暫時未有同林若亞育有兒女，而相中一家四口亦相處融洽，可以見到孫志浩肉緊攬愛女之餘，連老婆林若亞同奶奶關係都相當親近，一家四口甜蜜又幸福。
