現年27歲嘅容天佑，16歲時參加節目《功夫新星》獲得季軍，18歲投考藝員訓練班正式加入TVB。
容天佑早前憑《法言人》見習師爺「Tony仔」一角而人氣急升，工作量大增，近日就趕拍《逆天奇案2》。乖仔又人緣好的容天佑就因為拍《逆天奇案2》而同有份演出的「廟街歌王」尹光而一拍即合，早前更約埋一齊去唱K。天佑有幸同「廟街歌王」尹光合唱，他就話：「我一直都好鍾意同崇拜光哥，我覺得佢好勁，又潮又有魄力，仲好有創作力，真係好厲害，今次同佢唱歌，更加欣賞佢，同佢唱咗兩首歌，佢中氣十足，歌詞都唔使睇就背到曬所有歌詞，仲一路唱一路跳，我真係喺佢身上學到好嘢。」
現年79歲的尹光不單止唱得跳得，容天佑更大讚他為人非常友善。
