陳凱琳（Grace）今日（20日）在荃灣出席商場揭幕活動，她接受《香港01》訪問時公開維持Fit爆身材秘訣：「我成日都同啲仔一齊跑，追住佢哋，呢一個都係間接性嘅運動。」至於暑假行程，她透露較早前有計劃帶孩子去其他國家體驗一下，不過現時孩子太多暑期班，想等一家人齊整才出發！
提到老公鄭嘉穎被拍到現身醫院看診，她説：「我睇到嗰張相嘅時候其實佢已經出咗院，當時仲喺我側邊。」她表示老公今次到醫院求醫是治療聲帶方面的問題。
被問到老公嘉穎參加《披荊斬棘3》僅錄兩集已被淘汰？她笑稱：「老公現在仲喺內地開工，因為佢而家做緊，而呢個節目呢暫時好多嘢都唔可以公開講，等節目播出街嗰陣大家就會知道！」至於會考慮北上發展接拍真人騷，她坦言現時享受做KOL及照顧小孩為主，並表示：「相信做父母都知道孩子大得好快，怕如果出埠工作會少咗時間陪佢哋。」
講到老公嘉穎下個月生日，她分享老公比較享受簡單為主，慶祝活動大概是一家人在他生日當天出外吃頓飯，不過確實時間要等待老公內地工作完畢才會確定！
