前無綫小花伍樂怡（Kelly）宣布退出娛樂圈後，本身話要專注搞自家生意，估唔到一轉頭佢已走入職場做OL！最近佢頻頻更新社交網，大晒靚相之餘，又會同粉絲傾吓近況，佢就提到自己依家已經有新工返，正式重投職場做招聘顧問，為獵頭公司做職場媒人，重新出發。
見佢晒出OL Look新相，索爆大騷事業線，又自嘲30歲先襯托得起返工嘅型格office look，十足十女強人一樣，同時佢又繼續晒出自家品牌嘅水着，成日出海展示強勁身材。當中有網民留言問佢：「你以後都不拍戲了嗎？」Kelly回覆：「大概不會了，除非有古裝。」並透露自小就係古裝迷，睇嚟再見到佢現身幕前嘅機會都微。
