無綫處境劇《愛‧回家之開心速遞》一直都係收視之冠，劇中唔少經典CP組合都睇到觀眾好投入，其中飾演「大小姐」的林淑敏和「送水輝」的許家傑，呢對人氣CP更在《萬千星輝頒獎典禮2021》中，獲得「最受歡迎電視拍檔」。不過在戲外，近日有指許家傑與另一位《愛回家》女演員密會喎！
有傳媒報道，日前發現許家傑與在《愛回家》飾演「Elaine」的李芷晴，到銅鑼灣的戲院睇戲。兩人孖公仔食完飯再直落睇戲，全程有講有笑，望落似一對小情人。其實早在今年五月，譚偉權舉行音樂劇《我的青春日誌》，許家傑約埋一班好友撐場，當時李芷晴亦有同行，事後更同框合照。
事後，「送水輝」許家傑亦有回應傳媒，他解釋係一場誤會，透露當日其實約了多位同事包括李芷晴、何泳芍及簡家麒等一起去看電影優先場，當中有男有女。他又指同李芷晴只係正常朋友睇戲、食飯的關係。至於感情方面，他又指近幾年沒有特別講感情狀況，希望將私生活方面保留給自己，多謝大家關心。
30歲李芷晴於18年選港姐時雖落選，不過去年在《香港小姐再競選》中勇奪亞軍及「最佳進步獎」後，人氣與工作量都直線上升，她在《愛‧回家之開心速遞》演接龍集團女裝部員工「Elaine」已3年，早前一集更成為「新五美啦啦隊」，李芷晴在社交網分享身穿啦啦隊性感制服的照片，大晒長腿與纖腰，引死班網民！
文章版權為新傳媒集團所擁有，原文請按： 网页链接
