準新娘子湯洛雯（靚湯）今日（13日）出席新港城中心活動，活動上她講到有潛水牌兼熱愛潛水，問她有否想過搞水底婚禮？她坦言不會考慮：「因為個頭會亂晒，而且馬國明唔止唔識潛水，佢連游水都唔識，我都好想帶佢去潛水，但我想佢學識游水先，怕佢落到水底會驚，等佢熟水性多啲先學潛水。
她又指發現男友馬國明除了出埠拍節目外，甚少去旅行：「想帶佢去陽光與海灘。（度蜜月去耐啲？）想去幾個地方，由熱去到凍，用度蜜月嘅名義花一個月時間深度遊。（馬國明去咁耐係咪OK？）佢話唔買嘢就OK，齋睇OK，我都怕自己咁耐冇去會瘋狂Shopping，不過依家要籌吓錢先。」提到婚禮籌備進度，靚湯透露將會跟朋友去揀婚紗：「唔會叫馬國明一齊去揀，想畀驚喜佢，費時佢到時冇感覺，因為佢平時都成日見我着晚裝，希望佢到時會感動，而唔係天然呆。（會揀咩款式婚紗？）想少布啲，唔係，我講錯，係想簡約啲，唔好太多一層層，我唔會太性感啦！
