何沛珈最近為無綫慈善節目《明愛暖萬心》與汪明荃、陸浩等擔任主持，首次做直播大騷司儀，直言緊張到腳仔軟，她說：「一個多月前已經收到通知，開始嘅心情既緊張又興奮，亦好擔心，驚自己臨場發揮得唔好，始終第一次做，又驚自己響咬字、用聲不足，好彩公司有好多好好嘅前輩可以同佢哋取經，呢一個月亦好努力咬紅酒塞練習咬字，亦有去學唱歌練習發聲位置，當然有好大進步空間，會繼續畀心機去學習。」
她指今次能夠與汪明荃和陸浩明合作，加上平日《東張西望》的訓練，的確獲益良多，她說：「喺阿姐、6號佢哋身上見識到淡定同臨危不亂，點樣執生，今次真係一次好寶貴嘅經驗，下一次一定會做得更好！」
