TVB新劇《靈戲逼人》於上週一正式開播，劇情講述女主角龔嘉欣飾演粵劇花旦女鬼，死後被飾演音樂人的張振朗意外用一滴血釋放出來。雖然TVB已經唔係第一次拍以女鬼為題材嘅劇集，但今次劇情依然Bug位勁多，睇到網民頭都大埋！
1. 女鬼唔怕太陽 日光日白照現身
龔嘉欣於劇中經常與張振朗日光日白咁走在街上，網民都表示非常驚訝原來「2023年版本女鬼」進化到唔怕陽光，日光日白都能夠照現身，完全唔怕陽氣過盛，認真厲害。
2. 有本事穿牆 但要開門上車
龔嘉欣於劇中擁有多個超能力，其中一個就係能夠穿牆加凌空漂浮，所以時不時都會因為突然穿牆而嚇親張振朗。不過女鬼龔嘉欣「穿牆」能力間唔中就會「失靈」，有集講述到龔嘉欣從報館離開準備上車時，竟然唔「穿」入車中，而需要張振朗開車門畀佢，該幕睇到網民一頭霧水：「這阿飄level低，只能穿木，不能穿鐵」、「她可以自己開的，但是怕路人看到門自動開關會懷疑有鬼」、「可能她只能穿木製品，鐵的車門就法力不足」。
3. 髮型隨時變 不過衣服要人燒
此外，龔嘉欣於劇中亦能夠隨時複製雜誌上的髮型，髮型話換就換，不過服裝方面就要張振朗帶自己去買新衫，仲要買埋內衣添。網民就此表示感到匪夷所思：「對，髮型會自己變，衣服不會自己變」、「衣服可以燒，頭髮燒不到」、「前面衣服褲子內衣要燒才收到，溜冰鞋不用燒就可以穿，什麼鬼邏輯」等。
4. 一日要食足三餐
龔嘉欣所飾演的女鬼仲可以同正常人一齊進食，又要食早餐，連白飯、海鮮、意大利粉等都能夠進食，閒時仲要做埋家務。唔少網民都笑指：「她竟然可以用手關煤氣 可以煮西餐」、「這隻阿飄都把自己當做人了，要吃三餐，洗碗煮菜打掃樣樣都會做，還能幹過我們這些人間人類」、「最好笑的是拿刀叉」。
5. 女鬼有倒影+照到鏡
要數到最唔合邏輯嘅就一定係龔嘉欣所飾演嘅女鬼竟然可以照鏡，平時仲會有倒影。網民都表示果然「2023年版本女鬼」特別厲害：「大家別再傳統想法了，2023年的阿飄是有影子的」、「鬼有影子也算了，連鏡子也照到她…無言的後期製作」、「誰說阿飄是沒有影子」。
文章版權為新傳媒集團所擁有，原文請按： 网页链接
