應屆香港小姐友誼小姐邢慧敏身高1米75，選美前是職業模特兒，隨着2023香港小姐競選開鑼，卸任在即的她，表示不打算重操故業，一來簽了無綫旗下，二來近幾年香港模特兒界工作已買少見少，她說：「覺得好難返轉頭，我參選嗰一年受訓都冇行過騷，之前又疫情，有2、3年冇行騷，不過如果公司幫我接行騷工作都唔錯。」

一直明言恨怕劇的她，不想被身高局限發展，她說：「公司都好多高妹，好似陳曉華、劉穎鏇，另外王丹妮都好高，我好想試吓做搞笑角色，好想畀人開心放鬆感覺，啲人覺得我外表好Cool，私底下其實我係癲癲哋，毫無形象。」提到她是正宗的「友誼小姐」，在佳麗中沒有殺傷力，她說：「大家唔係都要咁嘅咩！不過我真係成日做活動搞手，我唔介意做聯絡工作，唔怕麻煩。」
應屆香港小姐友誼小姐邢慧敏身高1米75…
