近年轉戰內地從商嘅萬綺雯…

近年轉戰內地從商嘅萬綺雯，自從做咗民宿老闆娘後，除邀請昔日「殭屍拍檔」老友嚟民宿玩之外，生意愈做愈大嘅佢，早前仲喺社交網晒出多張性感靚相「衝業績」，寫道：「歡迎來到宿裹第二家店！」

只見身為老闆娘嘅萬綺雯，除親身上陣宣傳代言外，仲好用心以不同服飾搭配「悠閒度假」主題，先係一套淺藍色薄紗長裙喺泳池邊騷長腿歎美酒外，喺室內影嘅一襲純白長裙更係相當吸睛，看似密實保守嘅高領長裙，胸前則係中空設計，誘人嘅雪白美胸若隱若現，加埋開高衩嘅下身設計，更係盡騷招牌42吋長腿。