近年，粵港澳大灣區的發展成為各界的焦點…

近年，粵港澳大灣區的發展成為各界的焦點，不少投資者都希望藉着購入「磚頭」，等升值分一杯羹。於是，有地產發展商乘機舉辦大灣區樓盤銷售活動，並邀請香港的著名藝人、投資專家及玄學家以嘉賓身份出席，借助「明星效應」來吸引買家的眼球。怎料，最近有港人收樓時先發現「貨不對辦」。
日前，有幾名「苦主」在銅鑼灣駱克道拉起橫額指控地產商，並以紅、黑字寫着：「麥玲玲（算錯）風水地 原來是詐騙樓盤」、「麥玲玲代言 XX詐騙樓盤害人」等字眼。
東姑就此事致電玲玲師傅，身在內地出席講座的她表示，已經發律師信給該樓盤的地產商，促請對方盡快交代事件，並強調自己並非代言人：「其實個活動喺一八年搞嘅，我當時純粹講一啲流年運程，完全冇講過相關樓盤，我都唔希望發生呢啲事！事實上，我哋冇審視過（樓盤），亦都冇能力，又唔知道人哋用咩手法去推銷。相信啲受害人想我哋去同地產商反映，呼籲佢哋盡快出來好好解釋。」
其實，無論投資甚麼都總會有風險，玲玲師傅都提醒大家，應該要選擇一些有信譽的公司；而東姑就認為，投資者都要自己承擔風險同負責嘅。不過，玲玲師傅今次都算係「無辜辜中槍」！