藝人張振朗與龔嘉欣孭飛的無綫新劇《靈戲逼人》，將接檔《隱門》在下周一（3日）首播，劇中二人將上演人鬼淒美愛情故事。將一人分別兩角的振朗，坦言很享受接受挑戰：「今次兩個角色分別比較大，一個嚴肅、一個溫柔。最大難度係洗頭，因為其中一個角色嘅頭髮係金金地，另一個就黑色嘅，所以成日要噴黑個頭，每次洗都要洗6、7次，仲要未必洗得甩。有時一日嘅拍攝係會由現代轉古代，古代再轉現代，咁嗰日可能就要洗成廿幾次頭！」更指今次繼《堅離地愛堅離地》後再度獻聲唱劇集歌，並夥拍「聲夢」潘靜文（Sherman）重新演繹林子祥的經典歌《似夢迷離》。
而嘉欣則對於飾演女鬼感非常驚喜，她說：「好耐冇劇集有女鬼嘅角色出現，所以聽到時都有啲驚喜。因為角色嘅設定係可愛、搞笑同埋好情深，最大難度係要諗點樣令自己冇咁恐怖！」又表示開心能在劇中化粵劇妝：「化完個妝唔認得自己，有影咗好多相留念，記得嗰時拍外景好熱，為免溶妝都有搵風扇吹住個妝。」
