藝人麥美恩（Mayanne）與許文軒的緋聞傳足多年，難得兩位當事人不介意，有時甚至拿「戀情」來開玩笑！近日無綫「食住條水」，安排二人以情侶檔姿態離港拍攝旅遊節目，中間加插「傻更更電燈膽」林秀怡及曾展望，形成趣怪組合。
談到今次超過一星期的相處，Mayanne笑說：「公司見之前周奕瑋同陳嘉慧嘅旅行組合咁成功，就點名要我哋兩個度期。（玩得好開心？）太好朋友嘞，好有默契兼表現自然就真，同埋中間有啲Item，好似『戀愛巷』及高空漫步『You Jump I Jump』等等，就專登為我哋而設。（妳男友呷醋？）正常人唔應該呷醋嘅。」
早前文軒生日，二人相約周奕瑋出來慶祝兼深談。Mayanne透露：「席間互相催大家（結婚）。（妳應該快過佢？）論性格相信係嘅。（介紹啲姐妹畀佢識？）唔想害人呀。（結婚搵文軒做姐妹？）主意唔錯，尤其依家姐妹團都可以着西裝。」原來Mayanne早有計劃，他朝出嫁會返加拿大舉行婚禮，皆因覺得安排上會較方便。
