《2023香港小姐競選》上周舉行首輪面試，唔少靚女已經畀一眾網友關注同討論，嚟到今日（16日）港姐第二輪面試，仲有好多高質佳麗陸續參戰，一齊睇睇！
唔少美女陸續嚟到電視城，大方面對鏡頭展現自信一面，其中身高擁1米76、現為香港理工碩士生22歲嘅陳旑（Floina）非常搶鏡，樣貌有幾分似「長腿女神」曾淑雅，陳旑表示由同學提名，去年八月先嚟香港讀書，現在已有香港身份證。
27歲Nicole（黎佩琳）報稱是娛樂記者，打扮非常韓風，她透露獲演藝學院老師提名，面對鏡頭相當大方，仲係咁畀心心！
來自廣東嘅24歲鄭泳君（Gwen）都係第二輪面試先出現，她以綠色碎花裙現身，但左手上大片彩色紋身非常搶眼，鄭泳君透露紋身係自己設計，代表家人、自己及寵物。
第二輪面試佳麗望落好多都高質，而且十分有自信，讓一眾傳媒拍照。
文章版權為新傳媒集團所擁有，原文請按： 网页链接
