張建聲（Justin）每次接戲都會落足心機去構思角色點去演，近日，他為了將開拍的《反黑2》，正於泰國學習泰拳，仲特別搵了曼谷、清邁兩位知名泰拳師傅狂操，他謂：「我嚟咗泰國超過一個星期，每日都會去操拳，之前，我拍《一秒拳王》練嘅係西洋拳，今次練泰拳，最大得着係下盤夠穩，同埋佢知我練嚟拍戲，啲動作都會好靚。」
今次泰國之行，除了積極練拳之外，Justin女友都有同行，寓工作於娛樂，閒時兩人都會拍拖四圍去，被女友封為「生醃之鬼」的他，更於泰國街頭狂掃生蝦、生墨魚食，其中，生蝦食之前在杯中紮紮跳，相當生猛，食時更要以閃電手放入口，才能避色生蝦跳走，至於食味如何？Justin笑言：「拮拮地之外，冇乜嘢，因為啲泰汁味蓋過晒啲蝦味，至於生墨魚就好好食。（女友驚唔驚食生嘢？）佢都鍾意食，同我周圍搵。（好夾喎！）當然。」
