張崇德昨日發生車禍！他載囝囝去考試，路經青葵公路時，被一輛大貨車撞過來，釀成四車車禍，車尾被撞至嚴重凹陷，《香港01》聯絡張祟德，他還原意外情況，指架車已經唔要得，幸好兩父子都冇大礙，不過實際傷勢已待今日檢查後才知道。
張崇基昨晚在facebook貼上一張座駕凹陷的照片，寫下：「意外真的是避無可避的！要不是要車我個仔去考公開試，就不會在這個時段行這條路了……」他又加上「#最怕遇到不知所謂的貨車司機」「#天氣不似預期」他表示頸部有傷，而由於車禍頗為嚴重，所以囝囝最後也不能順利去到考場。
《香港01》聯絡張崇德關心傷勢，他說當時正駕駛七人車，囝囝坐在中間一排，車尾玻璃被撞至全碎及嚴重凹陷！張崇德指今日稍後時間會同囝囝去醫院做檢查，又說：「個個都話今日先會知道有冇事，尋日可能太驚嚇，好多嘢都未注意到，我同個仔都係頸同手臂背脊有啲事，有啲位會特別痛，但情況要陣間徹底去檢查先知。（阿仔有冇好驚？）佢話冇事，但係我驚過佢，喺公路發生依個意外係可以好嚴重。」
