女星鄺潔楹(Judy)近日忙於為無綫新劇《新聞女王》開工，日前終於有幸與視后佘詩曼演對手戲，令Judy興奮非常，她接受東網訪問時直言拍攝前心情緊張:「好耐冇試過因為第二日開工瞓唔著，我不嬲都好鍾意睇阿佘演戲，估唔到有朝一日竟然可以同對一齊拍戲，我記得拍嗰日，返到廠時佢已經化緊妝，當刻感覺好唔真實，不過見佢好專心睇緊劇本，所以一直唔敢上前騷擾。」
直至後來排戲時段，與阿佘距離只近在咫尺的Judy僅一直呆站，她說:「因為太緊張，係阿佘叫我坐低排戲，但坐喺佢身邊，我全程都拉緊咗，好耐都放鬆唔到，我仲偷睇佢嘅劇本，見佢親手寫咗一大段對白，去幫自己講得順暢啲，真係好佩服。去到拍攝中段，我忍唔住同阿佘講鍾意睇佢，望住佢對眼，睇佢點演戲，感覺真係好正，畢生難忘，最後梗係唔放過合照機會啦!
