43歲的葉璇近年專注於內地發展，早前開直播帶貨時被指大走樣，露出大肚嚇窒大批網民。近日葉璇罕有回港出席ViuTV劇集《法與情》拜神儀式，身穿貼身裙嘅佢明顯身形發福不少。葉璇坦言自己賣醜扮大媽純粹係為咗賣更多貨，仲話個肚腩只係造型之一。
近日，葉璇身穿碎花緊身裙出席出席ViuTV劇集《法與情》拜神儀式，雖然未見之前直播帶貨時候嘅「士啤呔」，但明顯睇得出葉璇發福不少、大媽味濃。相比起同場以一身律師打扮現身嘅46歲謝安琪就差得遠，雖然謝安琪比葉璇大三歲，又生咗兩個小朋友，但依然比葉璇keep得更好，少女味依然。
雖然今次葉璇時隔多年回港拍劇，但網民一見到發福不少嘅葉璇都忍唔住留言狠批：「葉璇買完餸嚟？」、「左邊個村姑想點？」、「左邊果位真係搞唔掂」、「見到葉大媽想嘔」、「葉大媽回港幫忙吃廚餘嗎？！」
當葉璇被問到有關早前在直播做出連番怪異行為，大曬「士啤肽」又撩鼻、搲腳趾一事時，葉璇就坦言一切都只係角色需要，唔覺得自己係放下身段去賣貨，又話個肚腩只係角色造型：「都係角色嚟㗎啫，姐係個角色好成功，帶貨直播做Artist咩都係角色演出，都係本色演出。如果扮醜，啲人話『哇好肥好醜』，咁咪即係成功囉，如果你唔成功咪賣唔到啲貨囉。角色係咁就要咁㗎啦。」
今次於ViuTV劇集《法與情》中飾演沒拍拖又沒結婚嘅樸素角色，當被問到現實生活有否拍拖時，葉璇直認正在與圈外人蜜運中，對方並非前男友小默先生。雖然近年發福不少嘅葉璇屢被傳出懷孕，但葉璇就連聲否認，又表示暫時冇計劃同男友結婚，生小朋友亦都隨緣。
葉璇近年轉戰內地發展，曾因拍片開濾鏡太重手，搞到面目全非變老翻網紅，又試過身穿肉色保暖底衫做直播，勁鬆弛素顔殘樣盡露，多次做出反常行為令網民睇到眼凸，不過有指葉璇是刻意吸引大家眼球。葉璇3年前拍攝的內地古裝電視劇《譙國夫人》上月在中央電視台播出，女主角葉璇由18歲少女演起，隨即引起網民熱議。
文章版權為新傳媒集團所擁有，原文請按： 网页链接
