現年五十八歲的張衛健，九十年代已經紅遍中港台，近年主力在內地發展，事業早已有成。○四年，他決定「升呢」人夫，跟內地藝人張茜結婚，但兩夫妻卻長期分隔異地，早前更因為疫情，一度有五百多天沒有見面。
近來回港的張衛健，除了出席曾志偉的七十歲生日會之外，又有份參演張國榮逝世廿周年的音樂會。日前，本刊還發現，他晨早現身西貢碼頭，準備出海遊船河；而同行還有一名小女孩、長髮索女及外傭。
其實，早年張衛健與張茜曾經努力「造人」，並成功懷孕，可惜張茜最後小產，而張衛健至今仍膝下猶虛。難怪，他當日對着小女孩，父性大發關懷備至，這「一佬」一嫩的關係耐人尋味。
早於九十年代成名的張衛健，昔日曾跟江欣燕和宣萱拍過拖，但皆有緣冇份。至九八年北上拍攝電視劇《陳夢吉傳奇》，他與內地女演員張茜戲假情真，擦出愛火花，並在○四年秘密註冊，之後在○九年補辦婚禮。婚後，張茜希望早日生個小孩，圓自己的母親夢；而翌年她真的懷孕，但佗B期間一直不太穩定，兼在胎兒八個月時，不幸發現其心跳停止。縱使醫生馬上剖腹搶救，可惜回天乏術。
這事令兩夫妻大受打擊，張衛健更表示，擔心張茜小產後會患上抑鬱︰「佢受嘅傷，遠遠比我重，我就告訴自己要盡快清醒，要離開陰霾嘅狀態，所以嗰段時間把所有工作放下，每日陪喺佢身邊。」另外，在一四年，曾有傳張茜再度小產，張衛健澄清是誤會：「可能佢喜歡着寬鬆嘅孕婦裝。」
儘管小產一事已隔十多年，然而張衛健對於喪子之痛仍耿耿於懷。早前，他就自爆要接受教會舉行的「失胎父母的心靈治療」講座，「大部份朋友都將所有注意力擺喺女人度，而忽略咗男人。當然係女人最痛苦，佢懷嘅BB冇咗，但其實爸爸都好hurt！」他又直言：「冇再諗生BB一事，如果上天俾我哋去選擇，一係我哋一擊即中有小朋友，或永遠唔會再有小朋友，我寧願選後者。因為我哋經歷過傷痛，唔敢再去面對多一次。o依家幾好，阿茜有自己嘅事業，家中又有小動物陪伴我哋。」
現年五十八歲的張衛健…
