林敏驄今日（18日）出席慈善高爾夫球賽，他透露有6年冇打過波：「我從來都唔練波，但又從來都唔輸波喎，波底厚，打天才波，（係咪你啲隊手弱？）全部都唔係我啲對手。」記者笑他可以同阿叻（陳百祥）鬥認叻，有冇同阿叻鬥波？他即笑說：「佢高好多，前輩嚟，同秀姑鬥有啲把握，（又話全部輸畀你？）睇人吖嘛。」
阿驄表示籌備電影中，希望暑假開拍，問他是否自導自演？他說：「都好呀，少少。」他表示早前搞完作品展演唱會後，好多人斟他去巡演，歌手檔期是否好難度？他說：「成個騷製作都喺晒度，歌手到時咪睇邊個得邊個唔得，（你屋企人（《下流上車族》）係咪實得？）佢哋啲期先最難度，因為佢哋要開緊劇集。」
無綫可有再斟他拍劇？他坦言沒有，他指無綫高層神龍見首不見尾，有指志偉都未找數？他說：「係啦，冇興趣拍，（等佢走咗數先拍？）到時再算。」依家同步搞緊電影同巡演先。
