朱敏瀚與王灝兒（JW）今日（18日）在將軍澳電視城為無綫新劇《痞子無間道》拜神，2人今次的戲服比起上一集古裝，較有時代感，軒薄得多，JW覺得今次造型好似日本漫畫角色，劇集拍攝了兩個月相當順利，外景拍攝比第一集舒服，幸運地天氣還未炎熱，笑言有時開工更有點涼意，要帶備風褸。
朱敏瀚透露今次的劇情，九成是新，一成有延續性，武打戲也較少，變成「口水戰」，但唯一沒變的是劇中仍要繼續除衫騷肌晒麒麟臂，他說：「我基本上每套衫都係冇衫袖，所以每場戲拍之前都要操手臂。」雖然外景拍得舒服但捱夜難免，兩人透露將會有4日連續拍攝冇覺好瞓，JW說：「我已經準備好晒啲外景櫈、頸枕、褸，同埋搵晒位，到時瞓覺。」
