藝人張致恒（Steven）與粉絲雯雯2019年奉子成婚，雖然短短4年間就育有3子及飼有3犬組成大家庭，不過期間二人亦頻傳出離婚及經濟拮据，更被網友封為「離婚界KOL」。而雯雯一家繼早前頭痛完搬屋冇櫈坐等阻滯後，昨日（8日）又爆出疑似畀無良業主「玩殘」，幾乎全家人要流浪街頭！
雯雯喺社交網表示哩幾個心情就好似坐緊過山車一樣：「租咗屋簽晒約，大搬個日已經搬晒嘢過去，當晚同我講唔租畀我！」被業主臨時反悔拒租外，雯雯仲爆出3個囝囝都連續發咗幾日高燒，情況嚴峻。雖然最後都遇到好業主肯租畀佢，但經過一輪搬堅折騰後，雯雯都同3個囝囝一齊病埋，認真慘！而堅強嘅雯雯亦相信只要堅持同努力，新地方將為佢會帶來好運。
