方力申今日出席運動飲品活動，講到女友Maple在節目中自爆因為身份曝光而變得難搵工，小方亦心痛認女友曾被「彈鐘」，仲公開其中一個真正「死因」，直言覺得好荒謬！
小方在活動率先提到最近正為新戲減磅，但目前仍未滿意，因為距離目標仲有3、4kg，又指今次減得慢係因為壓力未夠大！只但係如果有女友Maple（葉萱）陪做運動又唔同講法，小方笑言係會動力大啲，他透露之前試過同女友一齊游水，笑問游水嗰陣係男友mode定教練mode？小方秒答教練mode，不過佢自認都好識睇眉頭眼額嘅，甚至係學生都從來冇鬧過！
講到Maple在節目中自爆因為身份曝光而變得難搵工，小方心痛認女友曾被「彈鐘」，其中一個原因係因為男友太出名，小方都話呢個理由好荒謬，佢仲連講兩次話：「真係咁講！」問到會唔會幫女友手搵嘢做？小方話Maple本身有同人補習兼翻譯，而佢可以做嘅就係喺女友身邊做個幽默男友，主力𠱁佢開心！
文章版權為新傳媒集團所擁有，原文請按： 网页链接
