現年69歲專演奸角的麥子雲，1974年邵氏訓練班入行，2002年約滿TVB後絕跡幕前二十年轉戰內地從事製作，最近他憑《毒舌大狀》演提供假口供保安「陳球」人氣急升且演技再獲肯定。麥子雲接受雷霆881商業一台星光背後專訪，憶述他先後服務過佳視、麗的及無線三間電視台的配角人生。
麥子雲早於邵氏時期已為賺錢身兼演員、舞蹈員、動作演員、特約領班多職，從沒幻想自己有機會當主角，「我跟顧冠忠是同學，邵氏小生像狄龍個個一米八高，我呢啲咁矮，一早知做配角都難。」入行40年，他坦言從無興趣與「紅」一字掛鉤，「完全唔想紅！我鍾意自由，唔想去到邊都畀人望，我好似劉德華咁就大劑！我每朝習慣都要去茶餐聽飲咖啡，紅到劉德華咁我點去？」至於外形惡多演奸角，即使被路人叫茄哩啡也沒有不開心，「或者我做得奸角多，個個都覺得我唔笑好惡，都唔敢望我，試過一次撞車，對方一見是我就話：『打就唔夠你打，你想賠幾多吖？』至於叫我茄哩啡都唔多，但真的沒所謂，我又唔係想紅，又唔係想有人搵我簽名，茄哩啡都是演員。」
