43歲嘅前無綫小生林峯，近年專注內地市場搵人仔賺大錢，據知林峯內地人氣爆燈，觀眾對佢勁㗳糖！近日林峯亮相內地真人騷《給星星的人3》，落足重本去西藏取景拍攝，仲聯同內地知名女星毛曉彤一齊玩執屎，仲要執完先有得換食物，被網民炮轟內容好cheap，完全譁眾取寵！
近年林峯就好少參與香港嘅拍攝工作，轉攻內地市場掘金賺大錢，頻頻亮相內地真人騷儲人氣，最近就現身《追星星的人3》，節目內容仲非常重口味，網民笑爆嘴話簡直係向低俗進發！ 近日播出嘅《追星星的人3》勁玩重口味，講到吳奇隆、林峯、毛曉彤等人，去西藏探訪養豬人家，對方見到大明星光臨，仲即刻炮製燒豬冧佢地，但唯一要求就係林峯等人要幫手執豬屎，先可以換取價值$1500半隻香豬，女戶主仲好直接同林峯講：「1斤豬糞可以換取3元！」好彩佢哋最後只係執咗一袋豬屎，女主人已經收晒貨，大家仲可以開餐食燒豬，表情享受咁嘆「執屎的報酬」！
林峯難得回港與好友吳卓羲相聚，自然感到興奮搭膊頭影相，惟隨後有人將合照上載到小紅書，網民似乎對於林峯落妝嘅樣貌，感到失望… 照片中林峯樣貌明顯滄桑，同以前無綫年代的小鮮肉形象，完全判若兩人。林峯近年決心走型格中佬路線，留住中分嘅長髮，鬚根遍布滿面，完全擺脫以前嘅青靚白淨。不過林峯似乎當日不在狀態，在未有化妝之下，顯得眼腫面脹，髮線仲疑似向後移，難怪網民都認為林峯近年顏值跌入谷底，更指其外貌，同街邊阿叔無分別，更直接反問林峯：「你這髮型是真的嗎？」
文章版權為新傳媒集團所擁有，原文請按： 网页链接
