現年26歲的廖慧儀（Jessica）於2020年參選《香港小姐競選》時，因火辣形象而獲封「狂野空姐」稱號，經常在社交平台分享做瑜伽靚相派福利，吸引5.8萬粉絲追隨。
最近她到了吉隆坡旅行，展開假日mode心情大靚，連拍多張水著照向網民大派冰淇淋消暑。
相片中廖慧儀穿上橙色比堅尼大騷腰部的紋身，一時跪下挨欄邊、一時躺在巨型梳化大擺甫士，盡騷fit爆身形。她更回復「狂野空姐」本色誘惑地留言，令人想入非非：
ᴡᴇʟᴄᴏᴍᴇ ᴛᴏ ᴍʏ ᴋɪɴɢ ꜱɪᴢᴇ ʙᴇᴅ 📖☀️🌸🛏️🤭
廖慧儀於2020年參選港姐，雖然十強止步，但獲TVB賞識簽約為旗下藝人。她出道不久即捲入桃色風波，前男友Sam疑為情困墮樓身亡。
有指TVB藝人孔德賢介入感情成為第三者，Sam生前曾公審孔德賢：「Stop finding my gf please @danny_hung」，疑「警告」勿撬牆腳。
當時廖慧儀曾發文向前度Sam反擊，指自己的帳戶多次被入侵，甚至被跟蹤、恐嚇、性騷擾以及「日日都玩跳樓」：
你要嘅解決方法我已經一早做咗，相已經DEL咗，唔該你唔好再騷我打搞（擾）我，我朋友同我屋企人，其實好多嘢已經可以報警處理，但諗下點解我被你騷擾咗一個月我都無咁做。點解？我一路被陌生人人身攻擊，我都無出聲，成件事如果你係受害者，呢個唔係你最想要同埋最好嘅結尾咩？
